Assalamu'alaikum, kumaha daramang lur?KABOGOH AMPROK TI FESBUK CARITANA REK KOPDAR ALIAS KOPI DARAT ..cekidooott
Tos lami teu apdet, copas nu rerencangan FB, sugan atuh haturan lumayan kangge nu satia ngantosan blog simkuring dugi kiwari hehe.
 |
| kopdar euy! |
Udin : "Halow cih!.. Ieu uing geus dilembur maneh, pas jalan gede.. Lebah mana imah teh?"
Icih : "anu aya gapura kang, akang lebet kinten-kinten 25 meter aya bumi gedong 3 tingkat, warna kayas, mobilna seueur"
Udin : "Siap! Akang geus dihareupeunana. Ieu imah maneh teh cih?"
Icih : "sanes akang! Tidinya akang mengkol ka kanan lebet gang kinten-kinten 10 meter, aya lapangan badminton. Tah gedengeunana kang"
Udin : "eta imah maneh?"
Icih : "eta mah bumina tukang urut. Tidinya mah akang kantun lempeng, pas ngalangkungan cukang didinya katingal aya kios alit, seratanana ISI ULANG PULSA"
Udin : "owh, jadi imah icih teh anu jualan pulsa eta?"
Icih : "eta mah namina konter atuh kang. Tidinya mah kantun ka kanan dugi ka kuburan. Tah payuneun kuburan aya wangunan kang"
Udin (mulai keuheul) : "jadi imah sia teh hareupeun kuburan sarcih?"
Icih : "aeh nya sanes atuh kang! Eta mah bumina kuncen, akang ulah lebet kadinya nanging mengkol deui ka kenca, mapay galengan pasawahan, engke oge bakal katawis aya kandang munding"
Udin (ambek) : "Aaarggh..! Eta imah silaing?"
Icih : "abdi mah sanes munding atuh ih!. Tidinya akang lurus we teras dugi ka sisi leuweung"
Udin (napsu) : "eta gogobrog sia?!"
Icih : "memangna abdi teh monyet, si akang mah sok aya-aya wae? Torobos eta leuweung kang, mapay jalan satapak dugi ka pendak sareng masjid alit, tah persis gedengeunana"
Udin (ambek taya papadana) : "sakali deui sia ngomong eta lain imah maneh. Dicacag siah mung panggih jeung uing! Ieu tuur geus asa coplok"
Icih : "hehehe. sabar atuh kang, ulah emosian janten jalmi mah bilih enggal sepuh. Leres eta pisan bumi abdi. Kumaha tos kapendak teu acan kang?"
Udin (rada bungah) : "akang geus aya hareupeunana yeuh! Gusti! meni asa rangsak kieu ieu awak balas leumpang rurusuhan. Pokona icih kudu tanggung jawab mencetan awak akang nya? hehehe"
Icih : "nya sok langsung kalebet weh da aya mamah abdi nuju nyalira"
Udin : "hor! Ari nyaneh keur dimana atuh?"
Icih : "abdiii.. Hmmm.. Abdiii.. Masih di taiwan kang!"
*Udin kontan ngagubrag kekerejetan panyakit sakalorna langsung kanceuh.
Dicopas ti facebook.com/esbiwan.net
Tutumbu Carita diluhur:
0 pesen:
Posting Komentar