Wilujeng Boboran syawal 1430 H

Deudeuh Euis

Sababaraha kulah kadeudeuh
hate kapentang duriat nu jero
antara bab baban nyaah kuring nangtung mihareup

Lain estuning sagara wae nu ngeplak
nu panas ngalingkeub kawah timuru
pakasaban ngarangrang cimata tiis kanyeri
heab ku poe citresna anjeun nu teu katarima

Deudeuh euis...
Cinta teh lain ngan hiji
Sono teh seni na carita dua
harti hirup lain ngan sakur manehna
aya keneh nu ngalalana neang surti salira
engkang nu hiji...

Shiam 1430 Hijriah

Esmosi

"Duh gawat aing mah yeuh mun unggal poe kieu wae kaayaan teh"
"naha naon kitu?"
"Heu unggal poe teh loba wae pikacapekeun huntu teh aingmah, kudu afdol we ambeuk ambeukan teh euy...aya aya wae lah nu ngagoda teh aing mah, mangkaning pan sakeudeung deui rek nincak bulan puasa pan, palaur batal we aing mah lah!....Esmosi yeuh Esmosi!!!"
"Latihan meureun ti Gusti Alloh ngambeh maneh leuwih bisa nyabaran hate"
"heu'euh meureunan, tapi da atuh lila lila mah da kuring teu kuat...asa hayang ngadahar jelema, ngeunah meureunan!"
"aduh siah, kabur ah aingmah sieun" ber ngabeucir bari ngagigiwing sendal capit nu sisirangan.

Punteun ah nu diluhur mah mung sakadar carita barudak lembur kamari ieuh basa mudik Agustusan ti Bandung heuheu, Simkuring nyungkeun neda dihapunteun tina samudaya kalepatan nu parantos dibalukarkeun ku simkuring pribados, mugia dina mayunan sasih shaum, sasih romadon urang silih bebaskeun sangkan bersih tiasa ngajalankeun sagala rupi ibadah nu dipikaridho ku Gusti Alloh SWT. Amin.
Wilujeung mayunan sasih Romadon 2009/ 1430 Hijriah :)

21 Taun

Geus teu karasa ngaliwatan waktu nu sakitu lilana mun diitung sapoe sapoena, tapi da bakat ning ku betah dialam dunya ieu waktu nu dua puluh hiji taun ieu téh asa teu karasa lilana.
21 taun katukang téh kuring ngagubrag ka alam dunya ieu, teu make baju alias ti bubulucun, ngan dibeulit ku tali ari ari jeung ku kembaran kuring nyeta si Bali tea. Nepi ka ayeuna indung kuring masih keneh neundeun eta tanda lahir dina lomari...teuing ku naon jeung teuing jang naon *tong nanya!*, ngan nu pastimah meureun anjeuna téh boga kenangan supagi teu kapopohokeun perjoangan nu jadi indung pikeun ngalahirkeun budakna “nyeta simkuring” ka alam dunya ieu.
Ceunah mah ceuk carita kolot teh...

Kuring téh lahir ka alam dunya teu pati ngahsesekeun/ nganyeurikeun indung, kuring lahir dina kaayaan awak nu leutik...heu ceuk istilah dokteh mah kuring téh prematur tea dina poe ka sapuluh bulan Agustus tengah peuting jam dua belasan, teu karasa ceunah kaluar tina jeuro rahim téh...gedena ge ngan sakur sakeukeuleun botol coca cola, nepi ka ti mimiti indung bapa aki nini jeung dulur dulur téh nyurucudkeun cimata (asa percaya teu percaya kuring ge ngadengena, ngan nya Kawasa ning Gusti Alloh SWT – kun fayakun), ditambah indung téh ngabogaan sajarah pernah kaleungitan dua anakna nu kembar *nyeta lanceuk kuring nu awewe* barang borojol ngagubrag ka alam dunya téh langsung dipundut ku Gusti Allah, tah kumatakna maranehna téh ngahamdallahan kalahiran kuring nu salameut. Geus ngarandeug rada gede nyeta umur sataun dua taun kuring kakarek bisa leumpang, jalma jalma nu mikanyaah kuring disagigireun téh atohna kacida pas ninggali kuring hanjat ngabeuleunyeung lumpat moro jambu beureum nu murag ti buruan hareup..teu disangka sangka pisan kuring téh rek pihirupeun atuh da ceunah, kumatakna jadi tongtonan kabungahan, langsung dipirig ku cocooan jeung kado lianna nu teu sakabeh budak saeuntragan kuring waktu eta bisa meunang eta kabungah.

Ngarandeug geus rada gede nepi ka geus sakola SD kelas geuneup hirup kuring téh teu gampang, ririwit wae geuring...pang pangnamah dina kasehatan tulang kuring, mun labuh sautik téh kudu w langsung aya nu salah jeung tulang téh kudu dibenerkeun ka dokter atawa spesialis ahli tulang. Ngan Alhamdulillah Gustimah da Maha kawasa, ti saprak nincak bangku SMP nepi ka kiwari kasehatan kuring bisa disebut normal jeung nu lian, kuring sehat jag jag beuleujag nepi ka ayeuna geus nepi titincakan umur téh dua puluh hiji taun, kumatakna lamun paamprok jeung kolot baheula (dulur) nu geus lila teu panggih sok langsung digabrug, pokna teh sok asa teu percaya yen ieu teh kuring tea nu baheula leutik ciga kiciwis, ha'at ninggalina, nyukuran Alhamdulillah ku kabungah sabari teu eureun merinan pangjurung du'a.
Alhamdulillah pangdu’a ti kolot jeung sakabeh jalma nu nyaaheun ka kuring téh geuning di paprinan ku Gusti téh, susuagan mugia kuring teu nguciwakeun nu jadi panghareupan maranehna.

Umur 21, loba carita amis pait raheut asem asin nu geus kaasaan kukuring, najan can loba tapi Alhamdulillah geus kaceuceup nu kangaranan pamikiran leuwih dewasa/ kolot dina diri kuring. Cing panceug hirup sangkan jadi hurip, betah dialam dunya lain ngan sakur beutah ku kadunyaan wungkul, lamun dibere harepan umur panjang cing jadi mangfaat keur jalma jalma nu papada ngabutuhkeun, silih asah silih asih silih asuh jeung dulur, rizky nu halal, kabungahan lahir jeung batin nu dipihareup. Satungtung hirup abdi ulah nepi ka jadi budak nu doraka ka kolot, mugia cing ditebihkeun Gusti eta lalampahan nu dipika ngewa ku Anjeun téh.

Hatur nuhun kangge ka sadayana nu ngiring ngadu'akeun simkuring, mugia cing diwales ku Alloh SWT. - Jika lupa bukan berarti melupakan, sudah cukup bahagia dengan semua yang telah kau berikan padaku tuan.

Eulis...

Eulis enteupna hate engkang téh lain sakur sakahayang hate jang sakeudeungeun hirup, lain ngan sakur rasa nu datangna jorojoy neuteup kageulisan imut salira...lain pisan Eulis, nimbang nimbang rasa engkang samemeh rek nanya hate salira téh, geus salila urang paamprok di leuwi harepan di Cikahini...lembur urang nu basajan, hideung panon salira ngagenclang asa nyecep ku hiji kiceupan nu moal kapohokeun ku engkang nepi ka pedarna waktu.

Geus dua taun urang babareungan, geus rakeut pageuh hate engkang mikanyaah salira, lir ibaratna katumbiri nu pinuh ku warna kabungahan...ayeuna mun salira menta papisah hirup engkang téh Eulis bakal paeh, moal jauh ti bodas jeung hideung wungkul.

Euh Nya widadari engkang nu ngarajaan sakumna hate, Keun we Eulis rizki mah moal leungit kamana, nu leungit urang teang deui, nu can kaala urang udag babareungan, nu moal kabeunangan ku urang da lain jodona meureun Eulis, cing sabar...kitu deui jeung engkang, moal weleh nyabaran hate keur neundeun sumur kadeudeuh keur salira..ngan ukur hiji salira Eulis.

Tong tega Eulis ninggalkeun engkang, tali asih nu kungsi pasini pakait ati, ngajangji paheut basa urang pariron lelepen.
Cinta engkang masih keneh ngaleuwihan gedena sagara kulon nepi ka saumur dumeulah,...
Moal beak najan Eulis ngawurkeun kanyaah ieu.

Titipan ti salah sawios tamu nu satia ngalongok blog ieu "saurna teh" :D

Hiburan online radio sunda “Dora Dori”

Geus sababaraha bulan ieu aya nu anteung teu boseun bosen maturan simkuring didameul online dina internet, sajabaning ti maen pesbuk sareung tuiter heheh. Ti mimiti wanci jam satu beurang keur panas mentrang mentring nepi ka jam tilu sore nyetel winamp ngadengukeun streaming radio nu ngagaduhan jinggle khasna “Geboy mania” Rama FM Bandung anteung ngadangukeun acara Gentra Parahyangan Rama nu di candakeun ku “Tenteu Dorra sareung kang Dorry” nu lalucu heuheu (osok oge direncangan ku tokoh tokoh khas kang Dorry nu sanesna), eh aya oge acara kilat Cangegang nyaeta singkatan ti "Carita Ngeunah dan segar" *mun teu leupat mah.

Sok mangga geura bilih bade panasaran sono ka lembur atanapi baroseun ngadangukeun lagu lagu jaman ayeuna nu "teu paruguh", sakedikna tiasa ngabeubeurah manah ngadangukeun siaran radio sunda oge teu kalangkung diputeur oge tembang tembang sunda, tiasa ngarequest oge da atanapi telepon.

Alamat streamingna nyaeta: http://rama-fm.simaya.net.id:8800/ tanapi langsung bae tepangan website-na ramafm.com

Tangkal nu sok api api geuring

Tiriling...tiriliiing...tiriliiing...
Hp disada, tandana sms aya nu asup isuk isuk ieu. Aya seueur operatos kartu di Indonesia nu kasebut murah ceunah, tapi da dsar hargamah moal meunang ngabobodo...bong abong murah loba pisan sms promosi nu arabus unggal poe teh, komo deui aya oge nu nepi ka make telepon...nu ngomongna nyaeta operator manusa sorengan jeung mesin/ komputer. Sakapeung reuseup macana lamun memang eta ingfo nu ditepikeun dina sms teh memang guna samodel mun aya diskon hehe, tapi asa seubeul lamun ingfo nu ditepikeun teh yen ingfo nu teu paruguh, halah horemlah pokoknamah macana teh.
Isuk ieu meunang "ingfo Asyik" ceunah, nu eusina teh lumayan aya pengetahuanana...eusina teh kieu:

Di hutan hujan Ekuador, Amerika Selatan, terdpt tumbuhan yg bs berpura-pura sakit utk mengelabui dan menghindari serangan serangga yg suka memakan daun sehat! Daun akan berubah warna & muncul bintik atau garis2 jika tumbuhan itu sdg beraksi. Ternyata bukan cm manusia aja ya yg bisa pura2 sakit hehehe...

Subhanallah, Tah matak memang bener pisan yen Alloh mah Maha Agung, Maha kreatif nu nyiptakeun sagala mahluk nu moal bisa ditiron sampurna ku manusa ciptaan manteuna.
Hmm pas ditilik tilik panasaran ingfona nu aya di website geuning aya ingfo nu akurat ditulis ku BBC ngeunaan tangkal nu sok api api geuring ieu teh, mangga pilari didieu yeuh bilih panasaran oge hoyong maca beritana.

Kapaksa Golput...

Pilih nomer hiji...
Pilih nomer dua....
Pilih Nomer tilu.......
Hirup “si eta”, hirup “si itu”, hirup “si manehna”...*hirup “Jungjunan alias LieZMaya alias Neneng alias Nini alias ngaran lainna nu teu paruguh” haha :P

Masing masing individu saurang - saurangna bobogaan panguat hate pikeun milih pamingpin dina taun dua rebu salapan ieu (alias isukan, tanggal 8 Juli 2009) pikeun nangtukeun nasib bangsa Indonesia urang lima taun kahareup, tah eta ge kaasup simkuring pribadi, hate leutik aya kayakinan pikeun milih salah sahiji calon pasangan presiden kahareup. Tapi ngan hanjakal siganamah simkuring teh teu tiasa ngagunakeun hak pilih geuning lur da kusabab kartu pemilih simkuring masih keneh kacatet di lembur Bandung, sedengkeun simkuring ayeuna keur hirup nyicingan bumi Bekasi, heu ceunahmah ceuk beja bisa make KTP ngan kudu dibarengan jeung kartu kulawarga (beu anggeur anggeur keneh atuh da kartu kulawarga simkuringmah teu dibabawa kadieu, aya dina lomari arsip di imah lembur heuheu) jabaning ketang dih da kudu milih di tempat domisili urang...beu keneh kehked atuhnya, berarti etamah ngan sakur jang masyarakat nu teu kabagean/ kacatetkeun ngabogaan kartu pemilih tea meureunan... ah sarua jeung bohong jang simkuring mah atuh, jadi kapaksa we kudu golput da rek ngahaja ka Bandung mah balik heula imposibel pisan hiks.

Tapi kuring ngadu’akeun saha saha bae nu kapilih jadi pemingpin eungke mudah mudahan cing tuhu kana amanah rakyat, sangkan bisa mawa urang kana kahirupan nu leuwih hade batan waktu katukang.

Janteun amanat penting dina postingan ieu teh, sok pikeun anjeun anjeun nu geus ngabogaan hak pilih tong di sia – siakeun, da lamun hak sora urang teu dipake mah ke kalah jadi untung pikeun pamingpin nu ngabogaan niatan goreng...ceuk basa politiknamah “penggelembungan suara” ceunah pan, komo deuih lamun euweuh halangan nu karandapan ciga simkuringmah heheh....Beu hampura, lain teu hayang!

Tanjakan Tonjong

Tonjong nyaeta salah sahiji ngaran lembur nu aya di desa Babakan kacamatan Ciparay kabupaten Bandung, kaasup tatangga sabeulaheun kampung simkuring (Rancakole - Arjasari).

Tonjong oge loba kenangan pikeun kuring sorangan *cieeeh ceuk atu teh, baheula sakola simkuring nu SMP (SLTPN 3 Ciparay) aya di leubah lembur eta keneh (beh dieu’eun lembur kangkareng, unggal balik sakola bari gagaro hokcay ala budak lembur ngalengoy cape nyekelan buku tugas atawa kantong nu beurat di aakod mun pareung geus aya kagiatan ekstrakulikuler nunungguan mobil angkot disisi jalan bari lelenggutan peupeureuleukan heuay, sakapeungeun nyeukeulan es batu mun poe keur meujeuhna panas mentrang mentreng, ahhh pan lumayan atuh ngubaran hanaang dina jero dada *matak kulit teh hideung cakeutreuk.

Jaman baheula mah *isss gayana make jaman baheula* taun 2000-an alias karek asup kana era millenium tea supir angkot teh balaga lir ibarat president api api teu butuh, hhh jadi budak sakola saangkatan simkuring teh rada harese mun pas rek indit jeung balikeun sakola mah, kusabab kudu sabar nunungguan heula angkot beureum. Nya maklum we da kaayaan dilembur masih keneh aya sistem ngetem tea ngarah meunang penumpang nu leuwih loba, kusabab mun teu kitu maranehna (maksud teh supir angkutan kota) teh moal bisa nyumponan setoran kanu jadi dunungan meureunan, jeung teu poho oge nyetoran kanu jadi pamajikan jang ngahirupan sapopoe nu geus nunungguan diimah rek masak asin make jalantah *meureun deui tah ketang*.

Kitu oge mun inditkeun sakola isuk isuk atawa beurang ngalelenggut nunungguan angkot bari ngedegdeg da sieun telat heug we disetrap ku guru, komo ku guru fisika nu galak ciga pa Nana hihi (isuk isuk biasana leuwih hese, sabab saingan jeung nu rek arindit gawe, matakna start kudu ancang ancang leuwih subuh), bari jeung lamun keur pareung para supir angkot marema sok rada haroream (baca pikasebeuleun hayang disumpahan bitu ban meureun!) mawa barudak sakola mah, sabab meureun mayarna sok saeutik alias teu full kawas penumpang nu lain, nu indit nepi ka tujuan terminal panungtungan (mun teu salah baheula mayar teh tarifna masih keneh Rp. 300;- nepi ka Rp. 500;-) jeung atawa mayarna ngan sakur satengahna sabab nya memang kitu aturanana jang budak nu masih keneh make baju saragam sakola mah, jeung teu saeutik oge barudak sakola nu rada baraong *lamun pareung aya kasempetan sok kabur tara mayar* haha.

“nu alit dipangkon...nu alit dipangkon....”

Pok supir angkot atawa kendekna lamun kabeneran loba penumpang nu rek naraek marema (dasar embung rugi) nepi ka dijeujeul tah angkot teh palaur we tiguling da sok rada miring ka leubah kenca nu sok loba narangkel ti gigir jeung ti tukang body angkot, tah kabeneran pisan simkuring teh salian diciptakeun imut manis bari sakapeungeun haseum ge hehe ngagubrag ka alam dunya ieu teh ngabogaan awak nu leutik alias alit ceuk leumeusna supir angko tmah, awak teh baheula ipis pisan jauh ti awak nu ayeuna hehe, maklum ceuk kolot ge simkuring mah da ririwit, kapaksa we sok kabagean dipapangku ku nu lain *ih meng-Era-kan sekalih! Sttt stt tong dibeja beja nya, komo ka urang lebah kota Cimohay mah, bising dipoyok bebeakan :P*

Mun keur hese milik teu jarang oge loba barudak sakola nu kabareurengan atawa telat abus jam sakola lamun aya nu kabagean sakola beurang (jam kadua pelajaran antawis jam satu - lima sore), atuh karunya balikna oge kudu kabeurangan. Jabaning ti eta aturan angkot Arjasari – Ciparay nu ngabogaan cet warna beureum teh teu online *haha ciga internet* atawa operasi ngangkutna lain full 24 jam, nyaeta ngan nepi ka jam 7 peuting, ceunahmah kusabab te meunang alias DILARANG KERAS ku tukang ojeg kawas kang Endang nya atu! (geus jadi jatah manehna ti jam 7 peuting nepi ka subuhmah...hmmm paciwit ciwit rezeki meureunnya sakali ewang. Kumatakna lamun barudak nu balageurmah samodel si Dadan jeung si Yusuf mah (kaasup simkuring dkk. sakapeungeun lamun keur daek sok milih leumpang bae mun balikeun sakola mah) komo lamun kapaksa pisan alias emergency darurat tea! Hhh lain kunanaon alesanana teh, sabab musabab beakeun ongkos da nyaeta kajajankeun tadi basa istirahat atawa memang teu dibeukeulan ongkos ku indung bapana :P atawa jatah ongkos kabeakeun jang iuran uang kas atawa motokopi soal ulangan pelajaran! beu Tragis pisannya sodara sodara! Haha. Tah Tanjakan Tonjong teh jadi kampung carita tempat nunungguan angkot nu hese parebut rek balik alias paheula heula naek, ku sabab di tanjakan Tonjong teh angkot daek teu daek sok eureun heula kulantaran sok loba penumpangna nu tarurun didinya (aya jalan parapatan nu rek motong jalan ka lemburna masing - masing ngambeh tereh nepi meureun atawa rek sindir sumampir ka warung randa ceu Ipah nu geulis bahenol nerkom *meureun, tong tatanya para pamirsa, da ayeunamah geus kawin deui, geus kolot deuih hihi).

Kuring masih keneh inget pisan, harita teh sok dibekelan ku kolot teh dua rebu paling saeutik nepi ka lima rebu nu panglobana *eta ge maksa bari neangan alesan ngawadulan kolot da hayang meuli jajan atawa banda nu dipihayang hihi, duh hampura ya alloh*.

Tapi syukur Alhamdulillah, mun teu salah ti taun 2002 mah eta supir angkot teh teu rada balaga teuing, anggurana beuki nyedek ka wanci kadieu kadieu mah kalah atoh manggihan penumpang teh najan budak sakola, kusabab loba saingan mobil angot alanyar, nu antukna jadi hese meunang penumpang komo deuih ti saprak aya kanaekan BBM nu ngabeuratkeun ongkos jadi ngapung kaluhur, mahalna menta dibedog!

Jadi sabenerna mah ieu postingan teh leuwih pantes dibere judul “angkot beureum Arjasari – Ciparay” meureunnya, lah keun bae we lah, da nulisna ge keur dina raraga sono nostalgia beurat ka lembur Tonjong hehe maksa pisan.

Salam kangge Neng Ika sareung neng Illa urang Tonjong (ciga dina siaran radio wae nya) nu kamari ieuh kungsi mere suprais pas mulang ka lembur *speechless beu!...hiks hayu ah rek nyalingkeur heula dijuru hawu nuluykeun nostalgia baheula jeung babaturan nu carulun keneh bari ngegelan jagong tutung :P.

Cag ah.

Baktos ti Lilis mayasari A.K.A Liezmaya, kelas 1D, 2D, 3C urang cidodol – Rancakole nu kungsi jadi juara *halah2...mmm mun aya nu wanoh ka simkuring? Atawa asa asa inget inget poho deui, aaah Sok atuh tong isin isin jeung asa asa heug noel geura, deuh meuni sono dak! Siapa tau pan tiasa nonostalgilaan ka jaman baheulllll.

- Postingan nu meureun teu penting didieu teh samata mata hayang mancing tag kina search engine keur urang lembur nu iseng iseng meureun keur neangan batur lemah cai ku ngaran ngaran lembur simkuring di Bandung, hapunteun kanu kaabotan kana basa simkuring nu kirang merenah panginteunnya, boh dina basa jeung tulisan.

Extravaganza sunda

Ayeunamah hiburan ditanah sunda teh geus mangrupa rupa, ditingali tingali ti saprak cing mareceunghul stasion stasion tipi lokal, samisalkeun nu aya di Jawa barat nyaeta: Bandung TV, Bogor TV, CB Channel, CT Channel, Ghanesha TV, IMTV, Padjajaran TV, STV Bandung, Jabar TV, jst. artis artis lokal ge ngiluan harudang, loba beungeut beungeut anyar nu sautik gedena ngiluan jadi tenar makalangan alias terkenal jadi idola lokal pikeun urang sunda khususna, komo bari jeung ku urang urang paisisianmah nu biasana kaum para kokolot, nu masih keneh satia panceug kana hiburan kasundaan.

Program program khusus nu disuguhkeun nu karasa dipaporitkeun (kusabab langka, jeung beda ti stasion TV Nasional) jeung memang karasa pisan ku simkuring pribadi keneh asa aya rasa nu atoh, bungah mencrong/ ngalalajoanana ge kitu tah. Contona program nu dipaporitkeun eta teh diantawisna nyaeta: Program Tembang sunda, bobodoran sunda sapertos Sasagon nu tayangna dina TVRI tea (tapi dibareungan ku pesen nu kaharti tur hade kangge masyarakat), jalan jalan Bandung nu dicandakeun/ host na teh di kang Aang pami teu leupatmah, wayang golek komo mun nu dibaturan ku bodor si pohang mah jeung saparakancana nu nuju nge-trend di kalangan urang pasisisan bahkan urang kota tur urang sunda umumna nu geus pernah lalajo naha eta tina kaset VCD atawa tina akses internet langsung saperti Youtube, jst. nu ku simkuring pribadi disebut/ dilandian Extravaganza sunda meurunnya (hiburan sunda nu dipaporitkeun).

Ku bosen-na acara nu ditayangkeun dina TV nasional teh nu lolobana eusina teh "eta eta keneh" alias sajenis kusabab lolobana sok patiron tiron tea pikeun meunang rating ceunah mah jeung komo teu sautik nu nayangkeun program nu sama sakali teu mutu ngan ukur ngabobodo nu lalajo bisa jadi pangbeubeurah manah kanu mikacinta Budaya sunda nu kiwari beuki hese ditingali komo deuih nu dikalangan barudak ngora, bahkan nu cindeukna diantara budak turunan urang sunda keneh sacara langsung.

Sapangalaman simkuring nu kirang langkung tos ampir tos tilu taun balakecrakan dina dunya maya (internet) kalah lolobana urang batur nu justru hayang diajarkeun Basa sunda atawa mung sakadar tatanya ngenaan budaya sunda nu sacara kasimpulanana memang budaya urang teh endah jeung patut jeng dilestarikeun, batan ti urang sunda eta sorangan nu cigana keur ngomong basa sunda dina sapopoe wae ku hese ngecapkeunana, teuing ku era atwa memang teu barisaeun!

Cag ah, hampura lamun aya salah kecap, sakadar pangacaprukan ieumah.

--
Poto: Simkuring, sakalian narsis nu ngepens jeung Ohank hihi :P

Kodok bangkong

Hiji mangsa kuring sakulawarga keur beberes imah rek pindahan, katohian teuing timana torojol datangna ujug ujug aya bangkong dina handap ranjang kasur teh.

lanceuk kuring langsung ngajerit sieun ku eta bangkong hejo nu gedena sapeureupeun leungeun, bari pok nyubut "kodooook...kodooook" satarikna bari tutunjuk kanu handapeun kasur. Ngadenge kitu kuring teu mikir panjang deui, spontan langsung we ngodok eta kolong kasur.

barang itungan deyik dina leungeun kuring geus kaceukeul hiji bangkong hejo, naa da harita keneh ku kuring tuluy langsung dialungkeun deui bari ngiluan ngajerit bari lulumpatan luncat kana luhureun kasur da sieun bari gogorowokan nyubut "bangkoooong...bangkoooong"

Teu kungsi lila emang kuring neangan eta bangkong rek dipiceun, beu teuing kamana eta bangkong lumpatna da teu jeu'eung deui haha...

peristiwa yang langka sekali terjadi sodara sodara dan tentunya sangat mengherankan bagi kami sekeluarga, hingga akhirnya terdengar gelegar tawa dirumah kami tersebut!

Teu puguh Judul...

Nu kangaranan manusa mah moal jauh tina kasalahan jeung dosa, salalawasna...salila manehna masih keneh ngarenghap, tapi nya kitu tea kasalahan, naha leutik tawa gede, naha eta teh dijieun jieun ngahaja, teu dihaja kalawan teu sadar ku kasalahan manehna sorangan jeung memang aya nu sama sakali teu dipikahayang. Tapi da masing masing manusa teh beda beda harakat hatena teh, aya nu bisa narimakeun kusabab memang teu dipusingkeun atawa geus biasa tur ngamaklum ku kasalahan sahiji jalma kamanehna nu dihaja atawa teu dihaja, jeung sabalika...aya oge jalma nu sama sakali teu bisa mere hampura hiji kasalahan ku sabab geus kaleuleuwihi, teu make itungan leutik gedena ari bakat ku geus keuseul mah.

Duh ngacapruk...heu intinamah anjeun teh tos kaleuleuwihi, geus teu bisa ditarimakeun ku akal heureuy simkuring atawa memang duka teuing simkuring nu sarius teuing tawa nu geus poho deui kana selera humor anjeun, ngan hate leutik jeung hate gede simkuring tos teu tiasa narimakeun. Tapi da hampura mah masih keneh saleuwi moal saat meureun jang anjeun teu kudu hariwang...ngan menta heula sajengkal waktu pikeun mopohokeun nu teu bisa ditarimakeun eta.
Hade goreng tulisan ieu di tungtungan ku Hampura tina hate pribadi, sakali deui hampura kuring nu teu ngarti, sami wae simkuring'ge jalmi nu teu sampura, teu bisa leupas tina harokat manusa nu teu weuleh nyieun kasalahan.

Kokoro No Moto

Munggaran ngadangu lagu ieu teh basa tilu taun katukang, basa simkuring kakarek ninceuk taneuh kota Jakarta (teu ngangge ghithu Lhoh a!)...mmm lagu ieu tos lami, mung diaransemen ulang ku cep Delon sareung mayumina nyarira. Mun muteur ieu tembang teh angger w resep keneh, jeung asa nyareblak kana hate teh...beu inget baheula meureunnya haha *lebaaay ngacaaaay*

Ai wa itsumo rarabai
Tabi ni tsukareta toki
Tada kokoro no tomo to
Watashi o yonde

Anata kara kurushimi o ubaeta sono toki
Watashi nimo ikiteyuku yuuki nga waite kuru
Anata to deau made wa kodoku na sasurai-bito
Sono te no nukumori o kanji sasete

Cintamu terbayang selalu
Hingga waktu tidurku
Saat kau menyebut namaku
Kau memanggilku sayang

Ketika cinta semakin dalam
Segalanya pun berubah
Kenangan indah
Tak terlupakan
Menjadikan suatu pertanda
Kau buka pintu hatiku
Dalam kesepiaan kau beri
Sentuhan tulus cinta darimu
Hapus air mataku

Cintamu terbayang selalu
Sebuah perjalanan yang panjang
Saat kau menyebut namaku
Kau memanggilku sayang

Cutatan: eta lirik bahasa jepun-na mun ku urnag sunda (komo sunda ti leuweung) mah pasti diseungseurikeun, lantaran lucu kadengena meureunnya.